Telugu Cinema websites

Internet పుణ్యమా అని ప్రపంచం మన ఇంట్లో వాలింది. ప్రపంచం లో ఏక్కడ ఏమి జరిగినా క్షణాల్లో మనకి వార్తలు అందచేయడంలో internet ముందుంటుంది. అలాగే సినిమా ప్రపంచంలోని వార్తలు, విశేషాల్ని ఏప్పటికప్పుడు మనకి అందచేయడానికి మనకేన్నో websites ఉన్నాయి. అందులో కొన్నిwww.idlebrain.com,www.greatandhra.com,www.telugucinema.com,www.oniondosa.blogspot.com,www.cinegoer.com,www.totaltollywood.com,www.teluguone.com.
ఈ websites అన్నీ మొదట్లో మంచి ఉద్దేశంతో స్థాపించినప్పటికీ రాను రాను quality దిగజారి పొతుంది. ఆసలే నానాటికి దిగజారిపోతున్న తెలుగు సినిమాకి పునర్జన్మనివ్వగల సత్తా కలిగిన ఈ websites ఇప్పుడు కేవలం హీరోయిన్ల అర్థనగ్న చిత్రాల ప్రదర్శన కొరకు, మరియు సినిమాల ద్వారా కొద్దో గోప్పో పేరు తెచ్చుకున్న హీరోయిన్ల ,హీరోల వ్యక్తిగత విషయాలను బహిరంగం చేసి,సామాన్య ప్రజల బలహీనతలను సోమ్ము చేసుకునే సాధనాలుగా తయారయ్యాయి.ఇలాంటి దిగజారుతనం ప్రదర్శిస్తున్న websites లో అన్నింటికన్న ముందున్నది,www.greatandhra.com.ఏప్పుడో పది సంవత్సరాల నాడు పాత పత్రికలలో వచ్చిన లిసా రే,శిల్ప శెట్టి అర్ధనగ్న చిత్రాలను ఇప్పుడు తమ website లో ప్రచురించడంలో అర్థం ఏమిటో వారికే తేలియాలి.
తెలుగు లో అత్యంత ప్రజాదరణ కలిగిన మరో website www.idelbrain.com.వీళ్ళు మొదట్లో కాస్తంత నాణ్యమైన విషయాలను ప్రచురించే ప్రయత్నాలు చేసినప్పటికి, గత కొద్ది కాలంగా వీరీ content కూడ పలచబడి పోయింది. ఒకప్పుడు ఈ site లోని సినిమా సమీక్షలు చదివిన తర్వాత మాత్రమే ప్రేక్షకులు సినిమా చూడాలా వద్దా అని నిర్ణయించుకునే వారంటే అతిసయోక్తి కాదు. కారణాలు ఏమయినప్పటికీ ప్రస్తుతం వీరు రాసే సినిమా సమీక్షలు కేవలం మొక్కుబడిగా రాసినట్టున్నాయి తప్ప ఒక కార్యదీక్షతో రాస్తున్నట్టుగా అనిపించవు.
కంచిభొట్ల శ్రీనివాస్, మట్టి లో మాణిక్యాలు, వెలుగు నీడలు శీర్షికల ద్వారా తన విశ్లేషణల తో కొన్ని రోజులు ఓక ఊపు ఊపినప్పటికీ, అటువంటి quality రచనలు తరచుగా లేకపోవడం వలన idlebrain కూడా చివరికి అర్థం లేని రచనలు,open letters, advertisements తో నిండిపోయిన web pages, అంతా కలిపి చివరికి మిగిలిందేమిటో idlebrain site ను మొదటి నుంచి అనుసరిస్తున్న వాళ్ళందరికీ విధితమే!
ఇక పోతే మొదటి నుంచి ఏకరీతిగా తమ పని తాము చేసుకుంటూ, తమకు సాధ్యమైనంత గా మంచి content ను ప్రజలకు అందించడంలో కొద్దొ గొప్పో సఫలం అయిన sites లో www.telugucinema.com ఒకటి.అంతమాత్రాన వీళ్ళు తెలుగు సినిమా కు గొప్ప సేవ చేసిన వాళ్లగా గుర్తించలేము.
సినిమాల గురించి అర్థరహితమైన సమీక్షలు, విశ్లేషణలు చేయడం కష్టతరమైన పని. నిజానికి మన సినిమాల్లో అంత తీవ్రంగా విశ్లేషణ చేయడానికి ఏమీలేకపోయినప్పటికి ,ఎందుకు మన సినిమాలకు ఈ గడ్డు కాలం వచ్చిందో ప్రజలకి తెలియచేయడానికి ఈ websites ఒక మంచి సాధనంగా ఉపయోగపడవచ్చు.
మూస చిత్రాల వెల్లువలొ కొట్టుకుపోతున్న French సివిమా పరశ్రమని new-wave సినిమా ద్వారా మరో మలుపు తిప్పి గట్టున పడేయడంలో French సినిమా పత్రిక ‘Cahiers du cinema’ పాత్ర గురించి తెలిసిన వారెవరైనా, ఈ websites కు గల శక్తిని తక్కువగా అంచనా వేయరు అని నా అభిప్రాయం.
ఇప్పటి వరకూ English లో మాత్రమే రచనలు కలిగి ఉన్న ఈ websites తమ రచనల్ని తెలుగులో ప్రచురించ గలిగితే ఎంతో మంది ఔత్సాహిక రచయితలు తమ రచనలు ఈ websites ద్వారా ప్రచురించగలిగే అవకాశం లభిస్తుంది.
మారుతున్న సమాజానికి అనుగుణంగా మని సినిమాలు మారాలి. అందుకు ఈ websites ద్వారా చేయగలిగింది ఏంతో ఉందని తెలుసుకోవడం మేలు.