కనుల నీరు చిందితే మనసు తేలికౌనులే

ఏటిలోని కెరటాలు ఏరు విడిచి పోవు
ఎదలోపలి మమకారం ఎక్కడికీ పోదు
ఊరు విడచి వాడ విడచి ఎంత దూరమేగినా
సొంతవారు ఐనవారు అంతరాన ఉందురోయ్ .. అంతరాన ఉందురోయ్
పెంచుకున్న కొలది పెరుగు తీయని అనుబంధము
గాయపడిన హృదయాలను జ్ఞాపకాలే అతుకునోయ్… జ్ఞాపకాలే అతుకునోయ్
కనుల నీరు చిందితే మనసు తేలికౌనులే
తనకు తనవారికి ఎడబాటే లేదులే .. ఎడబాటే లేదులే
ఏటిలోని కెరటాలు ఏరు విడిచి పోవు
ఎదలోపలి మమకారం ఎక్కడికీ పోదు
ఎక్కడికీ పోదు … ఎక్కడికీ పోదు